請移玉步
8 九月 2009暫且來個小總結
24 五月 2009新聞台，Open Diary，Blogger，Wordpress。始於零四年七月十六日，對上一篇是零八年十月十八日。共五百五十一篇，還有三十三篇草稿。
有些往事急於忘記，目光卻不捨挪移。自以為有好些偉論要向世界發表，瑣碎的思緒卻不足成文，也羞於讓歪歪斜斜的習字簿展於人前。人云亦云我不屑，獨特見解我欠缺。這是供人貪婪地賺取目光的舞台，也是教人無處可逃赤裸裸被打量的標本盒。好一段愛恨關係。
荒廢此地其間，一直想作個交待。去或留，也應該知會一聲。好吧，我的決定是，其實我還未有決定。
又：其實新聞台前還有的，那叫ICQ info。
假如我執教鞭
18 十月 2008「老師，我想去洗手間。」
「哦。」
「老師，這個字怎樣讀？」
「唔知。唔好問我。」
「在這課室沒有規矩，但你們要自律。」
以上是友人幻想我當教師的情景。真的很有我的風格，尤其他們真人演繹時，那短促的音節。
keep positive rule #1
23 九月 2008找一個人，或很多個，去欣賞、喜歡、單戀、崇拜、迷戀。盡情去吧，將因他而起的興奮有咁大放咁大。巧遇他，跳高大喊吧；他向你微笑，要樂上半天了。
極佳的正能量來源。誇張一點說，沒有它，日子不知怎麼過。
職業病
19 九月 2008「貸款推廣，我答他，我大把錢。」男生剛掛線，洋洋得意向同行友人報告。顯然認為自己的回答創意十足，別樹一格。
不忍告之，這款回應我聽過不知多少次。
「倒不如我借給貴公司吧。」同伴不甘示弱，作出另一建議，勢要比拼創意思維，一較高下。然後幾個人又得意地笑作一團。
同樣，這句也挺常見。再者，拜託別以為這是天馬行空得叫人咋舌的反建議吧，借錢給銀行，不就正正等於債券、基金和定期存款。嗯，請問先生方便記低該部門查詢熱線電話號碼嗎？
coulrophobia
21 八月 2008clowns are hired to bring audience joy, but why some people have a fear of them? the answer goes to the huge painted smile, i guess.
it can be a discomfort when what supposed to come from heart is artificially made, even though the goodwill behind is appreciated.
農曆新年的對話
11 八月 2008「早就叫你別去拜年啦，挺悶吧？」
「見親友一面嘛。」
「整晚躲在房間裏，見個啥？」
一支煙的期盼
29 七月 2008如墮煙霧。
吞雲填滿空虛，吐霧呼出鬱悶。
望，一切皆過眼雲煙，將煙消雲散，終灰飛煙滅。
公司裏的加勒比海
14 七月 2008心房陽光充沛，小花盛放。耀眼，甜美。
要曬乾了，雙眼睜不開。有點累，有點膩。
滿瀉的正能量，用玻璃瓶盛起，留待下次享用。
今日收到一封信
15 六月 2008二零零八年六月十五日既Codey：
你好。（你就梗係好啦，唔使返學唔使溫書，幾個月流流長拎正牌玩喎。）
我重有半個月就高考喇，百忙之中都抽時間寫信畀你，係咪好感動呢？
結果你有冇返工？返咩工？我諗住返補習，或者試埋馬會添喎，你呢？辛苦嘛？俾你捱下就岩架喇，我十八歲人一蚊都未搵過呀，幾衰仔呀。究竟你搵到幾錢呢？我成日懷疑自己唔知米貴，咁你而家知道未呀？
睇得多唔多書？我想睇卓韻芝、彭浩翔、星新一、阿三、安德烈等。另外，重有個名幾響個D（原諒我俗氣吧），即係 freakeconomics、da vinci code 個D呢，中文譯本喎我指。重有都係語言、nature vs. nurture 哩D topic 啦。不過，想下嗟，我都預左你睇得唔多架喇，其實我不嬲都係聲稱鍾意睇書但行為唔多配合架啦，所以我唔會怪你架喎。
戲呢咁？不過我又冇乜邊齣戲係好想好想睇既，有都一早睇左啦，使等你咩。反而哩排我越黎越覺得 national geographic 好睇，我以前覺得52至55台都差唔多架。不過我阿媽話想 cut 有線喎，你阿媽 cut 左未呀？
其實我真係希望你做好上面兩項架，哩幾年總係乜都想試，往往忘記左吸收。細路仔應該睇多D聽多D家嘛，學伍老師話齋，冇輸入又點有輸出呢？
旅行開始準備未？你唔係放棄左下話？不過是但啦，其實我又唔係十分期待既，純粹想同朋友仔一齊衝下出香港咁嗟。搞得成固然高興，搞唔成咪當留多個錢傍身囉。
買左P5100喇可？唔好話我知已經玩厭左呀？唔係次次都 auto 咁無聊呀你？是但啦不過，講個秘密你知，我想買佢都係貪佢型仔之嘛。
有冇做運動呀？作為一個年青人，係應該係陽光下灑下汗水架喎。不過我都有少少玩厭左游水嚕，起碼蛙式係先啦，開始變 reflex 咪覺得悶囉。一係，你的起心肝練好自由式佢啦。重有，其實我想玩攀登架，不過我諗你成日都淨係得個講字既，睇你都唔會學得成架喇。
就放榜喇喎，放心，我唔打算問你估自己考成點，我知你一定俾人問到煩架喇。有冇學系 in 你呀? 不過 interview 未必重要既，最重要都係成績嗟。如果考得唔好你實怪我架啦，我四日冇溫過書嚕，不過星期一我會返學校溫架喇。
係咁問你現況，不如同你傾下心事喇。哩排呢，我總係覺得心靈好空虛（其實我覺得咁講好Q扮野，不過我同你咁熟，唔介意啦），而且會考經驗話我知，假期都唔會點好轉架，日日都咁hea係好愉快，但唔充實囉。希望你唔會重蹈覆轍啦。
祝
入中大語言學
假期充實愉快
Codey
二零零八年三月十五日，（理應）準備高考中
